Jane Fonda

Jane Fonda
L'actriz estausunidense Jane Fonda, en una imachen de 2007 mientres o Festival de Cine de Canas.
Información personal
Nombre real	Lady Jayne Seymour Fonda
Calendata naiximiento:	21 d'aviento de 1937
Puesto naiximiento:	Nueva York (Nueva York, Estaus Unius)
Ocupación:	Actriz
Conchuche:	Roger Vadim (1965-1973) Tom Hayden (1973-1989) Ted Turner (1991-2001)
Fillos:	Vanessa Vadim Troy Garity
Sitio web:	JaneFonda.com
Premios Oscar
Oscar a la Millor Actriz: -1971: por Klute -1978: por Coming Home

Jane Fonda (nombre artistico de Lady Jayne Seymour Fonda, naixida de Nueva York (Nueva York, Estaus Unius) o 21 d'aviento de 1937, ye una destacada actriz estausunidense, activa en o cine estausunidense dende zaguerías d'os anyos 1950 y con cuantos premios recibius mientres a suya carrera cinematografica. Ye filla de l'actor Henry Fonda y de Frances Ford Seymour. Chermana de l'actor Peter Fonda, ye tamién tía de l'actriz Bridget Fonda. Tamién ha partecipau en cuantas campanyas politicas, destacando-ne mientres os anyos 1970 por a suya oposición repective d'a guerra de Vietnam.

En a suya filmografía, se puet mencionar belunas d'as suyas interpretacions en cintas como Period of Adjustment (1962, George Roy Hill), Cat Ballou (1965, Elliot Silverstein), Any Wednesday (1966, Robert Ellis Miller), Barefoot in the Park (1967, Gene Saks), Barbarella (1968, Roger Vadim), They Shoot Horses, Don't They? (1969, Sydney Pollack), Klute (1971, Alan J. Pakula), Julia (1977, Fred Zinnemann), Coming Home (1978, Hal Ashby), The China Syndrome (1979, James Bridges), On Golden Pond (1981, Mark Rydell), u The Morning After (1986, Sidney Lumet).